热刺绝地反胜 「第2季捧盃论」有价讲

xcy232323

周四(19日)凌晨英联盃第3圈赛事，热刺面对英冠球队高云地利几乎出事，要去到完场前2分钟先至逼和对手，再喺补时神奇绝杀，作客反胜2比1晋级，领队普斯迪高路嘅「第2季捧盃论」仲有价讲。
热刺上场联赛输畀死敌阿仙奴，英超开咧4场只得4分，不过普斯迪高路就豪气发出：「我执教球会第2季多数有冠军」嘅霸气言论，今仗赛前再次强调：「我只系讲事实，有得罪人咩？」
英联盃被视为热刺最有机会捧盃嘅赛事，但今场作客高云地利表现差劲，63分钟更落後0比1，去到88分钟先由迪积史宾斯追平，补时2分钟再由比兰庄臣上演「绝杀」。
普斯迪高路赛後表示：「热刺嘅问题唔可能一朝解决，一场波唔会有咩改变，今场球队展现出季初缺少嘅斗志，或者呢场反胜会令球队更有自信。」