双星复操随时候命 曼联要爆啦！

xcy232323

近期状态回勇嘅曼联，周日(22日)凌晨作客水晶宫前再有好消息传出，因伤缺阵多时嘅美臣蒙特同海伦，喺星期三(18日)操练强势回归，如无意外可以候命上阵。
开季场场正选嘅美臣蒙特，上月底因大腿受伤倦勤，原本估计可能要抖5个星期，不过呢位英格兰中场极速康复，周三已经重返练习，而同场仲有季前热身受伤，今季未上过阵嘅丹麦前锋海伦，据报两人将可以喺对水晶宫一仗候命。
曼联近期大爆发，先喺英超3比0大胜修咸顿，周中英联盃再以7比0狂数班士利，两场比赛轰入10球，依家再有美臣蒙特同海伦回归，火力必定更加恐怖！