戴巴拿射12码拉伤 情况严重或缘尽世盃

xcy232323

       

        周一(10日)凌晨意甲赛事，罗马主场以2比1击败莱切，不过拎呢3分就付出极大代价，保罗戴巴拿喺射入致胜12码嗰阵拉伤，喊住咁离开球场，教练摩连奴直指呢位阿根廷前锋「情况差劲」，甚至可能会错过下月展开嘅世盃决赛周。
        罗马今场6分钟由基斯史摩宁头槌顶入，莱切23分钟更有贺文特粗野犯规被逐，但踢少个嘅客队反面喺39分钟追和。罗马换边後加强施压，48分钟即博到12码，但保罗戴巴拿射入後未有庆祝，而系按住左脚大腿表现痛楚，被换走後更一度落泪，罗马最终保持2比1到完场。
        摩连奴赛後透露：「我话保罗戴巴拿嘅情况好差，但心入面觉得系非常之差，根据我嘅经验以及同佢倾过，保罗戴巴拿今年内冇乜机会再为罗马上阵。」阿根廷喺11月中就会展开世盃之旅，保罗戴巴拿赶唔赶得切复出仍系未知数。