奥巴美扬影片流出 轰阿迪达「唔识教大牌」

xcy232323

       

        加蓬前锋奥巴美扬今年1月被阿仙奴踢走，效力巴塞隆拿半季後，今夏重返英超加盟车路士，不过佢对「兵工厂」似乎心存芥蒂，近日网上流传一段影片，内容系奥巴美扬批评阿仙奴领队阿迪达「唔识教大牌球员」，而呢位车路士前锋亦公开回应，解释当时因为心情差先至咁讲。
        影片拍摄时间系今个暑假，佢喺巴黎一间酒店内同几位珠宝商人对话，期间佢讲到：「阿迪达教唔掂一啲有性格嘅大牌球星，佢要啲唔出声，只系听话嘅年轻球员。」奥巴美扬上年底因多次迟到屡劝不改，结果被褫夺队长职务兼雪藏，到今年1月解约转投巴塞隆拿。
        呢段影片流出後，奥巴美扬随即喺twitter回应解画：「留意到最近有段影片流传，当时我加盟巴塞隆拿冇几耐，心入面仍然有好多唔好嘅感觉......阿仙奴今季踢得好出色，我希望一班旧队友有好成绩，除咗11月6号(对车路士)之外。」