球迷心愿！阿仙奴将为云格建铜像

xcy232323

       

        阿仙奴上场联赛3比1赢韦斯咸，「教授」云格离任4年後首次返酋长球场睇波，获现场球迷热烈欢迎。据英国《每日电讯报》报道，阿仙奴将为云格建铜像，设於酋长球场外面，预计2023年初会正式动工。云格系阿仙奴史上最重要人物之一，建铜像只系时间问题。
        阿仙奴主场酋长球场外，目前有亨利、柏金同阿当斯3位传奇球星嘅铜像，作为帮阿仙奴赢过3次英超冠军同7次英足盃冠军嘅云格，绝对值得受到致敬，多年来唔少球迷呼吁为云格建铜像，呢个诉求依家终於获得回应。
        云格相隔4年先至重返酋长球场，佢曾解释系唔想影响阿仙奴嘅重建，令新领队承受不必要压力，依家佢嘅得意弟子阿迪达领军成绩突出，云格亦放心返嚟支持「兵工厂」。阿迪达表示：「我一直有邀请云格返嚟，但决定权喺佢手上，希望佢之後会更加多返嚟，云格对我足球生涯嘅影响力非常巨大。」