尴尬！利物浦竟然签咗1位「新007」

xcy232323

       

        利物浦喺上月冬季转会市场击败曼联，签入荷兰国脚加普，以为执到宝，但原来中咗伏，呢位前锋上仗对狼队，又食白果，加盟红军以来，上阵6次仍然0入球及0助攻，如果下场对爱华顿，再冇建树，恐怕将成为新一位「007」。
        加普上半季为燕豪芬喺联赛射入9球及12次助攻，加上为荷兰出战今届世界盃有3球进帐，被睇好会成为新世代神锋。利物浦用4,000万欧元就买到23岁嘅加普，照计系一笔非常划算嘅收购。
        不过，加普登陆英超後，表现乏善可陈，发挥唔出应有作用，网民趁机抽水，有人指荷甲水平唔可以同英超相提并论，加普未够班喺英超立足，但亦人认为利物浦整体表现差，令加普受拖累。仲有唔少网民寸利物浦又做水鱼，继签入达云纽尼斯之後，又签多1位水货。
        值得一提，查顿辛祖加盟曼联，首7次英超上阵，0入球及0助攻，因而被寸系「007」，睇来加普好快成为「新007」。