唔畀面！迪格兰赖斯公开拒绝曼联

xcy232323

       

        英格兰国脚迪格兰赖斯被誉为英超最佳中场之一，盛传今个夏天将会离开韦斯咸，曼联、车路士、阿仙奴、利物浦等豪门都对佢虎视眈眈。迪格兰赖斯日前出席《英国音乐奖》活动，被主持人「试探」送赠曼联纪念品，迪格兰赖斯第一时间耍手拧头，谢绝「好意」。
        迪格兰赖斯喺颁奖礼入面担任嘉宾，活动前接受靓女网红狄美丹堡访问，期间呢位主持喺送礼环节玩嘢：「我有一只曼联水杯......」狄美丹堡都未讲完，迪格兰赖斯已经抢住回应：「呢个唔啱我。」到底系指只水杯唔啱佢，定系曼联唔啱佢呢？
        英国传媒报道，阿仙奴同车路士目前喺「赖斯争夺战」处於领先位置，不过韦斯咸领队莫耶斯早前表示，如果迪格兰赖斯夏天离队，转会费一定会打破基亚利殊保持嘅英格兰球员转会费纪录，即系要1亿镑以上先有交易。