拿玻里神翼声价10倍 曼城喜鹊1亿欧元抢人

xcy232323

       

        拿玻里今季喺意甲同欧联大放异彩，一对进攻孖宝域陀奥森汉同基华拉斯基利亚系主要原因，前者早系各大豪门收购目标，但上年夏天先由格鲁吉亚联赛登陆意甲嘅基华拉斯基利亚，已经被球迷冠以「基华拉当拿」绰号，指佢同马纳当拿一样咁好波！
        拿玻里季前用1,000万欧元（约8,370万港元）收购基华拉斯基利亚，呢位22岁翼锋依家已有12个入波同14次助攻，盛传英超双雄曼城同纽卡素都想挖角，报道指拿玻里叫价达到1亿欧元（约8.37亿港元），系球会上年买佢费用嘅10倍，而且仲有价有市。
        基华拉斯基利亚经理人祖希利近日透露：「有好多间球会想签基华拉斯基利亚，但佢依家唔会谂转会，只系集中帮拿玻里争意甲同欧联。基华拉斯基利亚深爱拿玻里，佢同我讲明就算转会亦唔会踢其他意甲球队，喺意大利佢只会效力拿玻里。」