咩意思？葡超神锋经理人奥脱福打卡

xcy232323

       

        曼联大军喺挪威进行季前集训，不过收购前锋嘅任务仍未有着落，传闻系曼联目标之一嘅波图前锋泰尼米，佢嘅经理人周三(12日)发出重大暗示，喺IG Story贴出巨型曼联标志，而且仲「打卡」示意自己正身处奥脱福球场，令一众曼迷相当兴奋。
        伊朗国脚泰尼米上季为波图入31球兼交14次助攻，虽然已经30岁，但曼联迟迟未买到合适前锋下，佢亦被传系坦哈格心仪人选之一。泰尼米经理人Borna Khoramdel周三突然喺IG自爆身处奥脱福，即时引嚟大批曼迷欢迎：「终於签到前锋」、「搞掂啦！」
        不过《曼彻斯特晚报》消息指出，Borna Khoramdel目前并非身处奥脱福，指呢幅相可能唔系近期拍摄，Borna Khoramdel点解突然出IG Story仍然系个谜。葡萄牙《O Jogo》报道，波图只要收到1,700万镑(约1.73亿港元)转会费，就会同意卖走泰尼米。