德国记者拎「拜仁卡尼」波衫挑衅 落得呢个下场

xcy232323

       

        热刺正在进行亚洲之旅集训，前锋哈利卡尼去留仍然系传媒焦点，有1位德国记者喺记者会上，向领队普斯迪高路展示一件印有卡尼大名嘅拜仁慕尼黑9号球衣，并作出挑衅性问题，结果被热刺取消采访资格。
        拜仁慕尼黑正在力争收购哈利卡尼，一位名为Max Schrader嘅德国《图片报》记者趁机喺记者会上拎出一件「拜仁卡尼」波衫，问热刺领队普斯迪高路：「好唔好睇？」仲大笑一番。即时激嬲普斯迪高路，回应话：「我唔知你讲紧乜，到底有乜咁好笑。」其後热刺新闻官通知Max Schrader，已经取消佢嘅采访资格。
        热刺上仗热身赛喺澳洲以2比3不敌韦斯咸，球队将於香港时周日(23日)晚6点喺泰国曼谷对李斯特城。