哈利卡尼「大四喜」 拜仁赢9比2狂创纪录

xcy232323

周三(18日)凌晨欧联出现惊人赛果，德甲劲旅拜仁慕尼黑主场迎战萨格勒布戴拿模，凭哈利卡尼食出「大四喜」，以9比2嘅疯狂比数赢出，成为欧联史上首支单场入9球嘅球队，认真恐怖！
喺高柏尼领军下全胜嘅拜仁，今仗疯狂抢攻气势惊人，19分钟哈利卡尼凭12码入波打破僵局，拉菲尔古里路同米高奥利斯之後各建一功，半场拜仁轻松领先3比0。
换边後客队闪电连追2球，以为拜仁会乱阵脚，但佢哋就用多6个入球回应，哈利卡尼再入多3球，包括再多2个12码，而米高奥利斯、利莱辛尼同哥列斯卡都有斩获，助拜仁赢9比2完场。
拜仁成为欧联年代，第1支单场攻入9球嘅球队，哈利卡尼亦累积33个欧联入波，打破朗尼(30球)纪录，成为史上最多欧联入波嘅英格兰球员。
比利时主帅高柏尼赛後表示：「最重要系拎3分，入9球系好罕见，但好有乐趣，球队嘅能量好，有正确嘅态度，但今仗只系第1场波，之後要保持呢种水平。」