球王组合过电！麦巴比势破美斯纪录

xcy232323

       

        巴黎圣日耳门(PSG)今季有「球王」美斯加盟，呢位阿根廷前锋尽管入球数字唔多，但同首席射手基利安麦巴比就合作无间，上场联赛美斯助攻麦巴比「绝杀」雷恩，更令麦巴比进一步挨近打破美斯嘅神级纪录！
        23岁嘅麦巴比今季已有21个入波同16次助攻，亦系今季第12个法甲入球，对雷恩嘅入波，令麦巴比向来累积119个联赛入波，追平美斯保持嘅24岁前欧洲5大联赛入球纪录，麦巴比要到年底先至24岁生日，破纪录彻底冇难度。
        美斯同麦巴比「过电」，中坚马昆贺斯就话：「佢哋都有好强嘅入球才能，不过足球一直系集体合作，美斯有才能能够随时搵到麦巴比，当麦巴比入到禁区，就冇几多人能够阻止得到佢。」