被追问俄乌局势 杜曹扯火：我唔系政客呀！

xcy232323

       

        受到俄乌战事影响，由俄罗斯「油王」阿布拉莫域拥有嘅车路士近日成为焦点，喺卖盘同撤资嘅传闻之下，领队杜曹成为记者狂追猛打嘅目标，呢位德国主帅喺英足盃赛前记招就被「问到躁 」，激动回应：「我唔系政客呀！」
        车路士喺英足盃对卢顿赛前记者会，杜曹不断被记者问到俄乌局势问题，48岁嘅杜曹突然扯火：「听住！听住！听住！你哋要停啦，我唔系政客呀！真系要停啦，我从未经历过战争，唯一可以重覆咁讲嘅系我感觉非常差，所以唔好再问我呢样嘢，因为我答你唔到。战争当然恐怖，仲可以有咩其他意见？」
        杜曹喺上场英联盃决赛前，曾经表示如果输波可以令战争结束，佢会好乐意咁接受。对於班主阿布拉莫域近日举动，杜曹就话对佢日常工作并冇影响：「作为球队教练，我每日都系同总监、经理商讨点样去改善球队，每日嘅工作并冇任何转变。」