超额完成冇包袱 波利咸访爱华顿玩大佢

xcy232323

       

        英足盃向来被称为爆冷温床，今届第5圈就有非联赛球队波利咸在列，周五(4日)凌晨佢哋会作客挑战英超爱华顿，争夺8强席位。波利咸今届过关斩将表现神勇，不过童话故事总有完结时，历史上只有1支非联赛球队成功杀入8强，波利咸嚟到呢个阶段已超额完成任务，今仗放手同爱华顿驳火，3.5球嘅入球大值博。（无綫myTV SUPER周五凌晨4时15分直播）
        非联赛球队踢16强凶多吉少
        波利咸系第5圈唯一非联赛球队，佢哋嘅主场系同阿仙奴女子队及青年军共用，今届由外围赛开始连过5关，上一圈爆冷淘汰英冠劲旅般尼茅夫，成为史上第10支晋级第5圈嘅非联赛球队，不过对上9次当中，非联赛球队有8次出局，只有2017年嘅林肯城能够过关。波利咸今届5场英足盃攻入10球，喺呢场被认为「必败」嘅赛事中可以轻装上阵，预料发挥会更加出色。
        爱华顿季中聘请林柏特执教後，球队表现有好转，但成绩未见大幅改善，英足盃将系球队加速磨合嘅大好机会。虽然1月加盟嘅云迪碧克同迪利阿里未符上阵资格，但爱华顿踢盃赛火力惊人，近4仗英足盃法定时间总入球，有3场达4球或以上，主场迎战波利咸必定疯狂抢攻，3.5球入球大稳开。