列斯占士有手尾跟 车路士斟国米翼衞救亡

xcy232323

       

        车路士右闸列斯占士因为膝伤，休息2个半月後复出第1场又伤出，随时又要长抖，意大利传媒《FCInterNews》爆料指车仔计划趁下月冬季转会市场重开後，签入右後衞救亡，并睇中国际米兰嘅杜费斯。
        其实车路士早於今夏已经有意收购杜费斯，但未能成事，呢位26岁荷兰国脚喺今届世界盃有出色表现，代表作一定系16强对美国，佢射入1球及贡献2次助攻，协助荷兰赢3比1，当时荷兰领队尹戈尔更加喺记者会忍唔住当众「咀」佢。
        杜费斯可以胜任右後衞、右中场，踢法同列斯占士相似，所以车路士将佢视为冬季头号收购目标。杜费斯2021年夏天以1,500万欧元转会费由燕豪芬加盟国米，估计佢现时身价达3,500万欧元，车路士想签入呢位猛将，就唔悭得。