阿仙奴秘密武器 超新星法甲直逼麦巴比

xcy232323

       


        周五(30日)凌晨法甲联赛，兰斯主场3比1击败雷恩，呢场波嘅焦点落喺英格兰前锋巴洛根身上，呢位由阿仙奴外借嘅21岁射手今仗梅开二度，今季法甲已累积10个入球，射手榜仅次於基利安麦巴比(13球)同尼马(11球)两大巨星，早前有传阿仙奴考虑1月将佢提早回收，话唔定会成为「兵工厂」秘密武器。
        巴洛根今季以借用身份由阿仙奴加盟兰斯，虽然球队实力有限，但巴洛根依然光芒四射，连埋今场赢雷恩，兰斯16场联赛只入19球，当中10球就系由巴洛根攻入。Opta数据显示，巴洛根成为今季欧洲5大联赛入波最多嘅21岁或以下球员，潜力十足。
        阿仙奴前锋加比尔捷西斯喺世盃期间重伤长抖，1月要增添攻击球员，报道指巴洛根嘅合约有提早回收条款，如果阿仙奴喺转会市场未能买到心头好，唔排除会将巴洛根提前收番。