【有片】球迷飞铲C朗 佢示范潇洒闪避

xcy232323

       

        葡萄牙巨星C朗上仗沙特联赛，贡献2次助攻，率领艾纳斯以2比1击败艾塔亚文，但原来开波前，呢位38岁射手几乎被1位冲入球场嘅球迷误伤，幸好C朗身手敏捷，避过一劫。
        当时C朗正在球场内热身，有1位球迷冲入球场，疑似想搵呢位前锋拥抱，佢喺保安追赶之下狂奔，突然跣脚铲向C朗，好彩C朗反应快，轻轻一跳避过，该名球迷亦被保安带走。
        片段喺网上疯传，有人质疑该名球迷到底系支持C朗，亦或想伤害佢，唔少网民大赞C朗功架十足，平时喺球场上面对对手围攻，都未惊过，今次避开球迷飞铲，简直轻而易举。