曼联新兵10场入得1粒 般费：我尽帮

xcy232323

       

        曼联近况持续向上，不过唔系个个球员都打得好，冬季转会窗借入嘅荷兰世盃前锋韦格贺斯就交唔到功课，上阵10场入得1粒，上场联赛大炒李斯特城3比0，见到队友不停喂波畀佢，但硬系射极唔入，真系冇晒计。
        上场曼联领先狐狸3球，大局已定之下，见到般奴费南迪斯不停送靓波畀韦格贺斯，希望造就佢取得入球，可惜都系唔成功，其实呢场波般费已经交出2个助攻，先後帮拉舒福特同查顿辛祖取得士哥，韦格贺斯入唔到波，只怪自己唔争气。
        不过般费对此并未表示失望，仲话会继续帮助韦格贺斯：「有时就系咁，当你愈想入波就会出现呢种情况，不过我相信佢只要继续喺球场上，入波只系时间问题。其实除咗入波，佢做咗好多跑动同压逼，完成咗教练要佢做嘅工作，我会尽量帮佢入波，只要佢入到波，自然帮到球队。」