马列斯成欧联杀手 同非洲4大天王睇齐

xcy232323

       

        曼城喺欧联16强首回合作客1比1打和RB莱比锡，为球队入波嘅阿尔及利亚翼锋马列斯，拎到佢历来第20个欧联入球，成为史上第5个非洲球员达到呢个里程碑。马列斯20个欧联入球当中，有一半系喺近2届取得，成为曼城嘅欧联杀手！
        曼城上届欧联杀入4强，马列斯喺晋级路途拎到7个入波列阵中第1位，今届佢Keep住呢个欧联气势，对RB莱比锡拎到今届第3球，亦系佢历来第20个欧联入球，喺非洲球员当中排第5位，仅次於穆罕默德沙拿(44球)、杜奥巴(44球)、伊度奥(30球)同沙迪奥文尼(27球)。
        32岁嘅马列斯今季成为球队必然正选，佢就话捧欧联系最大梦想：「曼城系为呢啲特别时刻而建立，我哋有喺关键时刻决定赛事嘅球员，曼城要赢得更多冠军，包括所有人梦寐以求嘅欧联冠军。」