女友有「思乡病」 C朗或重投皇马「挂靴」

xcy232323

       

        葡萄牙巨星C朗上年年底加盟沙特阿拉伯豪门艾纳斯，签约2年，坐享2亿欧元(约17.3亿港元)年薪，但根据西班牙传媒《El Nacional》爆料，由於呢位38岁射手嘅西班牙籍女友乔治娜患有「思乡病」，唔想留喺中东，导致C朗萌生离队念头，皇马会长皮里兹有意邀请佢回巢。
        C朗为艾纳斯踢12场联赛入12球，数据上的确唔错，但其实整体表现只属一般，更曾经多次喺比赛中发脾气，似乎唔满意现状，加上女友乔治娜嗌走，令C朗可能极速转会。
        《El Nacional》指皇马会长皮里兹仍然非常欣赏C朗，毕竟佢曾效力「银河舰队」9年，上阵438场入451球，捧过2次西甲及4次欧联冠军等锦标，所以好欢迎C朗回巢。
        不过，皇马内部人士透露，皮里兹并非想C朗为球队披甲，而系担任大使工作，意味如果佢接受邀请，就等於返皇马「挂靴」。C朗仍然对比赛充满热诚，恐怕未必想咁快收山，问题系佢离队艾纳斯，都唔知仲有边支欧洲球队可以收留佢。