第3个！佐迪艾巴投国际迈亚密

xcy232323

       

        继美斯同布斯基斯後，国际迈亚密周五(21日)官宣签入佐迪艾巴，签约2年半，3位前巴塞队友将在国际迈亚密携手征战美职。
        佐迪艾巴效力巴塞长达11年，系巴塞第3队长，佢原本同巴塞仲有1年合约，但经协议後无条件解约，以自由身转投美职；喺巴塞年代，佢拍住美斯同布斯基斯已经赢过晒欧洲所有锦标，而佢经常喺左路助攻美斯更系一大杀着，嚟紧有望喺美职重现呢个进攻套路。
        原来喺国际迈亚密未官宣之前，球队已经帮佐迪艾巴报定名参加中北美联赛盃，参赛名单已经有佢名，可以直接上阵，可能好快就见到3人合作。
        国际迈亚密组建嘅「美斯朋友队」嚟紧仲有成员加入，报道指刚离开神户胜利船嘅恩尼斯达，同埋踢紧巴甲嘅苏亚雷斯都有可能加盟，到时仲热闹。