认迪基亚系曼联传奇 坦哈格：要返主场道别

xcy232323

       

        效力曼联长达12年嘅门将迪基亚，早前约满离队，唔少球迷都觉得球队太无情，将一名功臣就咁踢走。不过主帅坦哈格早前接受访问时，就大赞迪基亚属於曼联传奇，仲话佢绝对应该返主场亲自向球迷道别。
        32岁嘅迪基亚喺2011年畀前领队费格逊睇中，从西甲马德里体育会加盟，曾为「红魔鬼」上阵545次，其中190场保持清白之身，两项数据都系球会门将纪录，上季更加获得「金手套奖」。不过近年迪基亚明显状态下滑，最终曼联选择唔同佢续约，并签入曾经同坦哈格喺阿积士共事嘅奥拿拿。
        多次拯救「红魔鬼」嘅迪基亚最终黯然离队，不过曼联主帅坦哈格近日接受访问时，就认为呢名球队门神，绝对值得喺主场拥有一次告别仪式：「迪基亚一直都系曼联传奇，佢绝对应该喺奥脱福主场，亲自向所有球迷进行告别。」