【有片】艾纳斯止连败 C朗精彩倒挂返老还童

xcy232323

       


        有C朗拿度坐阵嘅艾纳斯，经过热身赛2连败共输1比9後，周二(25日)日本之旅首站硬撼巴黎圣日耳门(PSG)，结果踢成0比0平手终止连败。C朗今场状态明显好转，多次埋门都好有威胁，更有一次精彩倒挂金勾仅仅射斜，几乎重现2018年欧联对祖云达斯嘅经典「士哥」。
        PSG今场未有基利安麦巴比同尼马两大球星，不过夏天加盟嘅马高阿辛斯奥、卢卡斯靴南迪斯、史坚尼亚都粉墨登场。艾纳斯经过2场热身赛状态提升，表现活跃嘅C朗威胁甚大，一次近门施射被基安卢基当拿隆马神救扑出，完半场前更施展「教材式」倒挂，可惜个波仅仅射斜，位置、姿势都同佢2018年欧联8强攻入祖云达斯嘅经典倒挂相似，难怪网民都话C朗「返老还童」。
        C朗今场踢到65分钟就被换走，啱啱由曼联加盟嘅巴西後衞阿历士迪尼斯亦首次上阵，结果两队最後都入唔到波，0比0握手言和。C朗赛後喺社交网留言兴奋留言：「面对强敌交出好好嘅表现，季前热身继续！日本球迷嘅欢迎冇得顶！」