阿基伤出虚惊一场 社区盾候命上阵

xcy232323

       

        「三冠王」曼城周三(26日)喺日本之旅，以2比1击败德甲劲旅拜仁慕尼黑，不过荷兰守将尼敦阿基喺上半场足踝受伤退下火线，令人担心佢会严重受伤，不过领队哥迪奥拿赛後证实尼敦阿基伤势并唔严重，甚至可以喺8月6日嘅社区盾上阵。
        曼城凭住小将麦亚迪同中坚拿朴迪完场前入波，以2比1击败拜仁慕尼黑，季前热身赛2连胜，但尼敦阿基喺上半场30分钟足踝受伤，一拐一拐咁离开球场，就令球迷非常担心。哥迪奥拿赛後表示：「尼敦阿基觉得好疲倦，而且根据佢嘅伤患史，我哋最好唔好畀佢冒任何风险。」
        哥迪奥拿之後喺记者会进一步透露，尼敦阿基伤患并唔严重：「曼城依家未喺最好状态，但呢个好正常，我哋经常都唔系喺最好状态踢社区盾，球队依家情况好好，冇任何伤患问题，上年我哋输咗(社区盾)，希望今年可以赢。」曼城周日(30日)晚会喺南韩对马德里体育会，之後就返英国备战社区盾对阿仙奴。